LEGAZPI CITY—Pinangenotan kan Bureau of Fire Protection (BFP) asin lokal na gobyerno kan Palanas an ground breaking ceremony para sa bagong fire station sa Palanas, Masbate.
Segun ki OPFM Masbate Caretaker Fire Chief Inspector Gerald Elino Lavadia, sa intrevista kan Bombo Radyo Legazpi, saro ining proyekto gikan sa national office asin inimplementar kan mga BFP regional office.
An paggibo kan nasambit na fire station iyo sa paagi kan pagdonar nin lote kan munisipyo kan Palanas na may sukol na 1,000 square meters kaya ini naipaotob kan naunambitang ahensya.
Ini kasunod na man kan Memorandum Circular kan Department of Interior and Local Government (DILG) na kun saen pig-engganyar kan ahensya an mga lokal na gobyerno na magdonar nin mga lote para makapatindog nin fire station.
Pigtaram kan opisyal na an budget sa pagpapatindog kan nasambit na fire station gikan sa Bureau of Fire Protection.
Dugang kaini na an paggibo kan fire station posibleng madurar nin walo hanggang sampulong bulan.
Mientrastanto, sa presente maabot pa sa sampulong munisipyo an wara pang fire station sa nasambitang probinsya.
