Nag-organisar an aktres na si Barbie Imperial nin donation drive para sa mga kababayan kaini sa Bicol region kasunod kan pangrarapado kan bagyong Kristine.
Ipigheras kan aktres an art card na laog an mga impormasyon kun sain pwedesir na mag-donate para sa mga naapektaran kan nasabing raot nin panahon.
Paliwanag ni Barbie na dakol na mga pamilya an nawaran nin harong kaya kinakaipuhan nin tabang.
Napag-araman na nakatipon na ini nin donasyon asin ibabakal nin pagkaon, bagas, delata asin iba pang pangangaipo.
Ipigheras pa kan 26-anyos na aktres an mga ladawan kan relief goods na saindang natipon para sa mga apektadong pamilya.
