Gadan an apat na katawo, kabale an suspek makalihis an nangyaring pamambabadil sa Dasmariñas City, Cavite .
Segun sa Philippine National Police (PNP) na tulo sa apat na biktima iyo an mga barangay offiicials kan Brgy. Salitran 3.
Nangyari an insidente mantang ipigsasagibo an flag-raising ceremony sa hampang kan Barangay Hall kan nagrani an 50-anyos na suspek na binistong si alyas “Ariel” na dating barangay tanod.
Bigla na sana ining nagluwas nin dae maaramang klase nin badil asin warang habas na pinagbabadil an mga biktima.
Binisto an mga nagadang biktima na si Barangay Chairman Raul Atarde Ballos, 56-anyos, mga barangay kagawad na sinda Jose Lagones, 65-anyos asin Marvin Canete.
Irido man makalihis tamaan an sarong biktima na si Christine Joseph Bonus na sarong Sangguniang Kabataan secretary.
Binadil man kan suspek an saiyang sadiri makalihis na isinagibo an insidente.
Pig-aaram pa man kan mga otoridad an pinaka-motibo kan supsek sa nasabing pamambabadil.
, three of the four victims were barangay officials of Brgy. Letter 3.){kind=link}