Haloy na suboot na naglangkaw an presyo kan kadaklan sa mga pangenot na babarakalon sa mga merkado, antes pa man i-anunsyar kan Philippine Amalgamated Supermarkets Association (PAGASA) na malangkaw an kantidad kan nagkapirang mga produkto.
Segun ki Samahan at Ugnayan ng mga Konsyumer para sa Ikauunlad ng Bayan (SUKI) Network spokesperson Amihan Mabalay, haloy na an nangyaring pagmahal kan mga babarakalon.
Na-monitor na suboot ninda ini bako sana sa mga supermarket kundi maging sa mga merkado.
Pigduon kan opisyal na pirmihan na pigtataram kan nagkapirang manufacturer na dae sinda lamangkaw nin presyo, alagad limitado sana ini sa nagkapirang produkto asin bako para sa pangkabilugan.
Afuera digdi, igwa man na mga kusa na paglangkaw an nagkapirang mga tindahan huli sa nagkapirang external factors na automatic na ipigpapataw sa presyo kan produkto.
An kaibahan sana suboot, sadit sana an patong alagad kun madalas na gigibuhon siertong mamamatean na kan mga parabakal.
