Tinawan duon kan Kamara de Representantes na dae ini matitinag sa suboot political threats kan Partido Demokratiko Pilipino (PDP) katakod kan nakatalaan na botohan sa impeachment ni Vice President Sara Duterte ngunyan na Lunes, Mayo 11.
Segun ki Deputy Speaker Paolo Ortega V, dae matatakot, dae maba-blackmail, o mapupugulan an mga kongresista sa pag-otob kan saindang constitutional mandate, kaibanan an patukar sa impeachment complaints.
Ini makalihis magpatanid an PDP na posibleng i-blacklist asin kalabanon sa masunod na pirilian an mga lehislador na maboto nin pabor sa impeachment ni VP Sara.
Dugang pa ni Ortega, importante sa Kamara an boses kan namamanwaang Pilipino asin bako an sarong partido na pirit na nagpapakusog nin impluwensya.
