Sarong bangkay nin tawo an nadiskubre sa laog kan sarong drum na winalat sa gilid kan sarong sapa sa Barangay Palingon, Taguig City.
Segun sa report, nadiskubre kan mag-agom an drum mantang pasiring sa lugar nganing magtanom.
Nareparo ninda na magabat an drum kaya sinirip ninda an laog asin nadiskubre na bangkay an yaon.
Tulos man nindang ipinaabot sa mga awtoridad an pangyayari.
Basado sa saindang obserbasyon, posibleng ginadan pa sana an biktima huli ta dumog pa an dugo sa bado kaini asin dae pa man namamarong an hawak.
Nagluluwas man na bako ini an enot na insidente nin pagtapok nin bangkay sa lugar.
