LEGAZPI CITY – Piglalaoman kan state weather bureau na makusog pa si bagyong Nando mantang paparani sa norteng parte kan Pilipinas.
Segun ki Catanduanes weather specialist Jun Pantino sa intrevista kan Bombo Radyo Legazpi na kun hihilingon an radius ni Nando an aabuton an pirang parte kan kabikolan asin matatamaan kan trough partikular na an provincia kan Catanduanes.
Laoman dapat suboot an pabugso-bugsong pag-uuran mantang dae pa nag-la-landfall an bagyo sa kadagaan kan nacion asin laoman man an posibilidad na ibandera an gale warning sa mga masunod na aldaw asin oras.
Suspetsya man ninda na pwedesir ining ideklara ngonian na aldaw komo typhoon asin piglalaoman na umabot sa super typhoon category antes magland fall sa Babuyan group of Islands.
Pigtaram pa kan naunambitang weather specialist na basado man sa forecast track an dae na mabago an direksyon asin tatahakon kaini huli ta pagladawan niya an pigpapakusog pa kaini an epekto kan habagat na makaka-apektar man sa may parteng Visayas.
Alagad sa Rehiyon Bicol suboot an pinaghalong epekto kan trough asin pinakusog na habagat an madara nin makukusog na pag-uuran sa mga masunod na oras asin aldaw.
Paghistorya niya pa na ibinaba na kan state weather bureau an parametro nganing apudon bilang super typhoon nganing marikas na maka-preparar an publiko urog na an mga nasa lugar na maaapektaran kan naunambitang raot nin panahon.
Pagirumdom ni Pantino sa publiko na magin rigmat asin laoman an pagdakol kan bagyo na malaog sa Philippine Area of responsibility ngonian na “ber” months asin dae na magpirit maglawod sa kadagatan enkaso marauton na an kamugtakan kan panahon.
