LEGAZPI CITY—Karsel an bagsak kan sarong babaeng dating Overseas Filipino Worker (OFW) sa ikinundusir na buy-bust operation kan mga otoridad sa Barangay Poblacion, Cawayan, Masbate.
Segun ki Cawayan Municipal Police Station Chief of Police Police Major Joseph Laurio, sa intrevista kan Bombo Radyo Legazpi, basado man sa ipinaluwas na opisyal na forensic laboratory examinations kan ahensya pigkarkulong maabot sa 60 gramos na pigtutubudang shabu an nakumpiskar sa suspek asin may kantidad na P374,000.
Afuera digdi, nakatakas man sa mga otoridad an kaiba kan suspek durante kan ikinundusir an buy-bust operation kaya makikipagkoordinar sinda sa iba pang operatiba kan mga kapulisan sa provincia nganing mahanap ini.
Sinabi man ni Laurio na posibleng saro an suspek sa mga supplier nin mga ilegal na droga sa nasambitang lugar.
Sa presente nasa kustodiya na kan Cawayan MPS an suspek asin mahahampang sa kasong pagbalgar sa Republic Act 9165 o Comprehensive Dangerous Drugs Act of 2002.
Mientrastanto, nangapudan an opisyal sa publiko na kun may aram sindang persona na imbuelto sa ilegal na droga dae na dapat ini ipag-post sa social media asin dapat na sanang i-report sa saindang opisina.
 was arrested in a buy-bust operation conducted by the authorities in Barangay Poblacion, Cawayan, Masbate.){kind=link}