LEGAZPI CITY—Ipighayag kan Albay Veterinary Office (AVO) na kulang an bakuna mapadapit sa rabies sa probinsya kan Albay.
Segun ki Dr. Pancho Mella, an pamayo kan Albay Veterinary Office, sa intrevista kan Bombo Radyo Legazpi, na dapat an mga bakuna sa rabies pigsusuplay dapat suboot kan kada lokal na gobyerno.
Dugang kaini na saindang ini-insist an mga lokal na gobyerno na matawan ini nin budget huli ta dae kakayanon kan gobyerno provincial na suplayan gabos na requirements sa bakuna.
Susog man sa ipinaluwas na ordinansa kan 2019 na pig-aapod na “Responsible Ownership” na tungkulin kan lokal na gobyerno an magtao nin bakuna.
Sinabi kan opisyal na sinda nagbabakal man nin bakuna alagad pigsusuplay sana ini sa mga high-risk areas.
Mientrastanto, an saindang ahensya kairiba na an LGUs magkatabang sa pagpaotob kan gabos na programa sa nasambitang ordinansa.
