Pigbati ni US President Donald J. Trump an apat na Artemis II astronaut makalihis an saindang matrayumpong siyam na aldaw na misyon sa palibot kan bulan asin ligtas na pag-splashdown sa kadagatan harani sa San Diego, California.
Segun sa presidente, “spectacular” an bilog na biyahe asin “perfect” an paglapag kan Orion spacecraft.
Nagpahayag man siya nin pag-orgulyo para sa mga crew na sinda Reid Wiseman, Victor Glover, Christina Koch, asin Jeremy Hansen, asin inimbitaran sinda na magbisita sa White House sa lalong madaling panahon.
Idinagdag ni Trump na plano nindang otrohon an misyon asin an masunod na target iyo an planetang Mars, kaiba an padagos na suporta kan gobyerno sa Artemis program kan NASA.
An Artemis II an nagbugtak nin bagong rekord bilang pinakaharayong distansya na naabot kan mga tawo gikan sa Kinaban, na nakaabot sa labing 400,000 kilometros, asin nagtao nin mga imahe na kinua gikan sa lunar orbit kabali an tanawin na “Earthset.”
An matrayumpong pagbalik kan mga crew an nahihiling bilang sarong pangenot na lakdang pasiring sa Artemis III, na piglalaoman na magdadara nin mga astronaut sa ibabaw kan bulan sa enot na bes poon kan 1972.
