LEGAZPI CITY—Idineklarang valid asin operative na an isinumiter na Anti-Epal Ordinance sa Tabaco City na propwesto ni Honorable City Councilor Ramboy Berces Dyangko.
Ini katakod kan pagpaotob nin Anti-Epal policy kan Department of Interior and Local Government.
Segun ki Tabaco City Councilor Ramboy Berces Dyangko, sa intrevista kan Bombo Radyo Legazpi, sa nasabing ordinansa an ipigbabawal an pagbugtak kan mga pangaran, pandok, slogan, mga tataramon na mabisto o matukoy sa sarong politiko urog na kun regular ining programa kan gobierno.
Alagad exemption kaini an mga markings sa buildings asin mga tinampong igpapangaran sa mga nakaaging politiko.
Dugang niya na kabale man sa ordinansa an mga opisyales kan barangay kun saen tatanggalon man an saindang mga pandok sa mga pighahagad na mga papeles sa barangay siring kan barangay clearance.
Segun sa konsehal na kun sisay man na opisyal an mga magbalgar sa ordinansa an matatawan nin written of notice kun sain tatawan nin 30 aldaw nganing matanggal an mga ini, alagad kun dae maaksyunan an may penalidad nin P5,000 o pwedesir na makarsel nin dae masobra sa sarong taon.
