Magpapadara nin dugang na tropa an Estados Unidos sa Middle East sa tahaw kan naglalaang tensyon sa pagultangan kan Israel asin Hezbollah kan Lebanon.
Kaibanan sa mga pwersa kan Estados Unidos an Abraham Lincoln aircraft carrier strike group, fighter aircraft asin air defenses.
Segun ki Pentagon spokesperson asin Air Force Major General Patrick Ryder na bilang parte kan saindang paglilikay, nagpadara nin dugang na US military personnel ngani na magserbing augmentation sa pwersa na na-enot ng nasa rehiyon.
Makalihis an haros sarong taon na giyera kontra sa Hamas sa Gaza, nagtaong atensyon ngunyan an Israel sa Hebollah na nagpapalayog nin mga rockets sa Israel bilang pagsuporta sa Hamas.
Enot ng nagsakyada an Israel military sa eastern Bekaa valley asin northern region kan Lebanon, na harani sa Syria.
Marurumduman na enot na man na nangapudan an administrasyon ni US President Joe Biden na maresolberan sa diplomatikong paagi an krisis sa border kan Israel asin Lebanon.
