Kinasuhan na kan Philippine Natonal Police (PNP ) an ama kan estudyante na suspek sa pambabadil sa eskwelahan sa Zamboanga.
Kaibanan man na kinasuhan an security personnel kan nasabing eskwelahan.
Nahahampang an duwa sa kasong reckless imprudence resulting in homicide asin physical injury.
Segun sa Police Regional Office 9 na nangenot sa imbestigasyon, igwa sindang bastanteng ebidensya na nakuwa kasunod kan insidente.
Dugang pa kan mga otoridad na malinaw an kapabayaan kan ama huli ta nakuwa kan aki kaini an saiyang government-issued asin personal na badil.
Mantang an dae pinangaranan na security personnel an kinasuhan makalihis an kapabayaan huli sa pagtugot na makapuslit an badil.
Nagluwas man sa imbestigasyon kan mga otoridad na warang ebidensya na ginibo an krimen na may kaibanan na ibang grupo.
