LEGAZPI CITY- Nasa 94.31% na kan mga barangay sa Albay na naibalik na an suplay kan kuryente kasunod kan pangrarapado kan nakalihis na raot nin panahon.
Segun ki Albay Electric Cooperative Spokesperson Anj Galero sa intrevista kan Bombo Radyo Legazpi na solamenteng an mga isolated areas na sana an dae pa naibabalik an suplay kan kuryente.
Kaibanan sa mga ini an banwaan kan Rapu-Rapu na 11 pa sana sa 34 na mga barangay an fully restored an kuryente o katumbas nin 32.35%.
Paliwanag kan opisyal na dakulang angat para sa inda an transportasyon kan mga materyales pasiring sa nasabing island municipality.
Alagad dae suboot ini nangangahulugan na warang tawong nag-aasikaso sa saindang banwaan huli ta sa presente, nagpapadagos an pagta trabaho kan saindang response team.
Napag-araman na piga-aydentipikaran pa an mga posibeng pakarahayon sa banwaan kan Rapu-Rapu ngani na tulos na maaksyunan.
