Legazpi City- Nakatalaan na nagpadara nin tabang medikal an Albay Veterinary Office para sa mga atamang hayop sa Catanduanes huli sa panrarapado kan raot nin panahon.
Sa intrevista kan Bombo Radyo Legazpi kay Dr. Pancho Mella, an Albay Provincial Veterinary Officer, makalihis an nangyaring panrarapado kan mga bagyo sa Bicol lalo na sa Catanduanes, ipinaapod ni Albay Acting Governor Glenda Bongao an lambang mga departament heads sa Albay para mapag’olayan an mga tabang na posibleng itao sa probinsya kan Catanduanes. Sa lado kan Albay Veterinary Office napagpalnuhan na magpadara nin mga bulong para sa mga ataman kan mga paraomang naapektaran kan raot nin panahon.
Tulos na nagsagibo nin inventory an naunabitang departamento para matipon an mga suplay na pwedeng ipadara sa mga paraoma sa Catanduanes. Segun sa opisyal dakula na man an maitatabang kaini sa probinsya huli na man sa pinaglalaloman na sa mga masunod na semana an posible nang magluwas an sintomas asin epekto kan kalamidad sa mga ataman lalo na itong mga hayop na nababad sa uran asin sa baha.
Nakatalaan na magpadara nin mga bulong arog kan antibiotics, vitamins, asin iba pang mga suplemento para sa mga ataman na hayop asin dugang pa na mga kagamitan medikal. Napag-araman na sulamenting mga bulong asin kagamitan na nguna an ipapadara sa probinsya.
Mietras tanto pinagkakarkulong ngunyan o sa masunod na aldaw an personal na iaabot kan opisyal kay Catanduanes Agriculture an mga bulong na gagamiton
