LEGAZPI CITY- Kumpiyansa an Albay Police Provincial Office na magigin matrangkilo an pagsabat kan Bagong Taon sa provincia.
Ini an sa tahaw kan mahigot na pagbabantay kan mga kapulisan sa mga matatawong lugar ngunyan na holiday season.
Segun ki Albay Police Provincial Office Director Police Col. Noel Nuñez sa intrevista kan Bombo Radyo Legazpi na dae man naglaag nin tape sa badil kan mga kapulisan ngunyan na taon.
Alagad mahigot suboot an pagirumdom sa mga kapulisan na magin responsable asin ibitaran an pagpapaputok nin badil sa pagsabat kan bagong taon.
Obheto kaini na maibitaran na makapagrehistro nin anuman na dae pinaglalaoman na insidente, siring na sana kan pagtama kan ligaw na bala.
