LEGAZPI CITY—Padagos an pagtaong asistensya kan mga kapulisan kan Albay Philippine National Police sa mga residenteng presenteg nagtitinir sa mga evacuation centers huli kan nagpapadagos na aktibidad kan bulkang Mayon.
Segun ki Albay Police Provincial Office Provincial Director Police Lieutenant Colonel Noel Nuñez, sa intrevista kan Bombo Radyo Legazpi, na pigtutukdoan kan saindang mga personahes an mga kajovenesan siring man an mga magurang mapadapit sa kabuhayan nganing may pagkakaabalahan sinda mantang nasa evacuation centers.
Sa presente nakapagrehistro man an saindang ofisina nin zero crime rate kun saen tinawan-doon niya man na padagos man nindang pigbabantayan an mga ghost town na yaon sa laog kan 6 kilometer permanent danger zone kan bulkan.
Abiso man ni Nuñez sa mga evacuees na ipadagos na imantinir an katoningan asin kalinigan sa mga evacuation centers.
Pig-asigurar man kan opisyal na yaon an mga kapulisan nganing maghatod nin tabang sa kun ano man na asistensya an kinakaipuhan asin pag-asigurar kan kaligtasan asin seguridad kan mga residentemg apektado kan pag-alburoto kan nasabing bulkan.
