LEGAZPI CITY- Mahigot an pigigibong mga lakdang kan gobierno provincial kan Albay ngani na dae makalaog an bird flu sa provincia.
Ini makalihis na makapagrehistro nin kaso kan nasabing helang sa provincia kan Camarines Sur.
Marurumduman na enot ng nagpaluwas ni Ececutive Order si Albay Acting Governor Glenda Bongao na paramientras na nagbabawal sa paglaog kan live birds asin poultry products hali sa Camarines Norte.
Segun ki Albay Provincial Veterinary head Dr. Pancho Mella sa intrevista kan Bombo Radyo Legazpi, Highly Pathogenic Avian Influenza o H5N2 an na-monitor sa lugar.
Napag-araman na nagsasagibo na man nin aksyon an Department of Agriculture dapit sa nasabing problema.
Segun sa opisyal na nagluwas man sa mga ipigkondusir na tests na negatibo na an mga samples na hali sa lugar.
Ipigkakahadit kan opisyal na oras na makalig sa provincia an helang, magreresulta ini sa economic loss asin negatibong epekto sa poultry industry.
