LEGAZPI CITY-Sierto na mapapabilang si Elon Musk bilang kaenot-enoting trillionare sa kinaban enkaso ipaluwas kan SpaceX sa Wall Street bilang controversial tech titan.
Susog sa Bloomberg Billionaire Index, kapot ni Musk an korona bilang pinakamayamang tawo sa kinaban, na nagkakantidad nin dai mababa sa $696 bilyon bago pa man ianunsyo kan SpaceX an record-breaking na initial public offering kaini.
Alagad basado digdi na an saiyang 42% na stake sa rocket-cum-AI company, an magdadara sa saiya sa uncharted territory.
Mientras tanto, mapoon an trading asin valuation kan SpaceX sa kantidad na $1.77 trilyon enkaso ipaluwas na ini sa Nasdaq stock exchange, na magpapabakal nin 555.6 milyong shares sa kantidad na $135 sa kada saro.
Huli digdi, si Musk an magigin three times na mas mayaman kaysa sa Google co-founder na si Larry Page, na pigkokonsiderang second-richest man sa kinaban na igwang $304 bilyon fortune.
