LEGAZPI CITY-Ipighayag kan Department of Education (DepEd) Bicol na nagin matrayumpo asin epektibo an implementasyon kan Academic Recovery and Accessible Learning (ARAL) Program durante kan summer season sa Bicol region.
Susog kay Department of Education Region V Curriculum and Learning Management Division Chief Grace Rabelas, nagin matrayumpo ini asin ngonian pighahalat na sana an end line assement results kan mga estudyante.
Kadaklan sa mga eskwelahan na warang volunteer, pinangenotan kan mga paratukdo asin pig-handle an nasa 1 is to 10 ratio.
Nagkaigwa man suboot nin kadakol na volunteer na tutors partikular na sa Tabaco Division.
Nilinaw man ni Rabelas na sa ARAL program, nagkaigwa nin agreement na magseserbing volunteers an mga tutors kun kaya dai dapat maglaom nin bayad hale digdi.
Alagad dugang pa kan opisyal na sa ibang lugar, arog kan Catanduanes, ginamit suboot ninda an saindang savings sa 2025 funds ngani makapag-bayad sa mga tutors.
Sa Naga City naman, nagtabang an saindang local government unit ngani matawanan nin incentivrs an mga tutors asin mga pagkakan kan mga nagpartisipar na mga kaakian sa programa.
Tinawan doon man kan opisyal na warang nagkulang sa mga aral learners durante kan summer season para sa ARAL program.
