LEGAZPI CITY – Inaabangan na sa provincia kan Albay an pagbisita kan mga kandidata hale sa manlain-lain na nasyon na magkokompetensya sa gayon, tali asin adbokasiya para sa Miss Earth 2019 na gigibuhon sa maabot na Oktubre.
Sa ekslusibong intrevista kan Bombo Radyo Legazpi ki DOT Bicol Director Benjamin Santiago, nagpasiring na sa ciudad an promoter kan pageant tangarig na makaolay an DOT Bicol asin Team Albay Youth Organization (TAYO) Inc. na magsisirbing organizer sa event.
Sierto na suboot an pagsasagibo kan swimsuit asin national competition sa Legazpi City asin Camarines Norte kun sain naglalaom si Santiago na maipapahiling an #ExcitingBicol.
Mientras tanto, pig-aaram pa kun sa Albay man isasagibo an Grand Coronation kan pageant.
Kun babalikan, kan nakalihis na taon sana kan magbisita asin isagibo sa provincia an mga sideline activities kan Miss Earth.
Segun pa ki Santiago, posibleng nagustuhan suboot kan promoter kan international pageant an kakaibang hospitality na ipinahiling kan mga Bicolano na rason tangarig na liwat na magbalik asin i-feature an kakaibang gayon kan lugar.
