LEGAZPI CITY – Inengganyar kan Albay Provincial Agriculture Office an mga paraoma na pag-adalan man an pagtatanom kan adlay na padiit-diit nang nabibisto sa merkado.
An adlay an sarong tropical plant na hale sa grass family asin siring kan mais an pagpapabuhay mantang nagsisirbing alternatibo man sa bagas.
Sinabi ni Provincial Agriculturist Cherryl Rebeta sa intrevista kan Bombo Radyo Legazpi, nag-oofrecir an Albay Farmer’s Bounty Village nin trainings sa pagtatanom kaini na dakulang tabang sa mga diabetic.
Sa iba pigagibo suboot na polvoron o champorado an adlay na balon an dakul na beneficio sa salud.
Naipapabakal man ini sa P200 kada kilo asin hale pa sa Manila an kadaklan sa mga nagkukua kaini.
Mientras tanto huli ta kapupuon pa sana, nasa 15 ektarya pa sana kan daga an natatanuman kan adlay.
