LEGAZPI CITY-Balik operasyon na an Airbus kasunod kan krisis sa software kan A320 jets asin pagsasairarom kaini sa teknikal na mga proseso.
Nanotaram man na rinibong eroplano hale sa Asya hasta sa Estados Unidos an tulos na nagsairarom sa software retrofit na ipigsugo kan mga regulator.
An lakdang an kasunod kan insidente sa JetBlue A320 na naapektaran kan solar flare.
Labi sa 6,000 eroplano man an temporamenteng dai nag-operar ngani masierto an kaligtasan kan mga pasahero.
Sa laog nin 24 oras, nabawasan an numero kan mga apektadong eroplano makalihis matukoy kan mga eksperto an partikular na mga unit.
Nagin solusyon man an pagbabalik sa mas lumang bersyon kan software na nagko-kontrol sa nose angle kan eroplano.
Nagpaabot na man nin dispensa an CEO kan Airbus asin sienerto na mas magigin bukas sinda sa publiko, kasunod kan krisis kan Boeing 737 MAX.
Mientrastanto, dose-dosenang flights man an naantala sa Pilipinas, mantang an iba uminabot na kabangang aldaw an lay over huli sa nasabing insidente.
