LEGAZPI CITY-Inanunsyo ni Iranian Foreign Minister Abbas Araghchi na mantenidong bukas an Strait of Hormuz, na saro sa pinakaimportanteng ruta kan pankinabang kalakalan kan langis, hasta sa nagpapadagos an ceasefire sa Middle East.
Sa sarong post sa X (dating Twitter), sinabi ni Araghchi na an agihan kan gabos na komersyal na barko sa Strait of Hormuz, nagtetenir na bukas para sa natatadang panahon kan tigil-putukan.
Sinabi niya sa saiyang post na “THANK YOU!” asin dinagdag na binisto kan Iran an nasabing agihan bilang “FULLY OPEN AND READY FOR FULL PASSAGE.”
Alagad, bako pa malinaw kun an pigtutukoy niyang ceasefire, iyo an 10-araw na kasunduan sa pagultanan kan Lebanon asin Israel o an naenot na duwang semanang tigil-putukan sa pagultanan kan Iran asin Estados Unidos poon Abril 8.
Bilang tugon, nagtao nin positibong reaksyon si U.S. President Donald Trump sa anunsyo kan Iran asin inapod ining indikasyon kan posibleng pagtatapos kan gera.
Mientras tanto, nilinaw man ni Trump na nagtetenir na epektibo an naval blockade kan U.S. laban sa mga pantalan kan Iran hasta sa ganap nang matapos an sarong kasunduan sa pagultanan kan duwang kampo.
Dagdag pa ni Trump, na magigin “100% complete” sana an proseso enkaso pinal na an saindang napag-olayan.
