Nakabantay na an Armed Forces of the Philippines sa West Philippine Sea makalihis na magpaotob nin fishing ban an China.
Segun kay Armed Forces of the Philippines spokesperson Colonel Francel Margareth Padilla, may barko an Philippine Coast Guard na regular na nagpapatrolya sa nasabing parte kan kadagatan asin pigbabantayan an hiro kan mga barko kan China.
Partikular na pigbabantayan kaini kung gigibohon kan China an huma na aarestaron an sisay man na malaog asin madakop nin sira sa pinag-aagawang tetitoryo.
Segun kay Padilla, dae man pwedeng makapagpaotob nin fishing ban an China sa West Philippine Sea lalo pang parte pa ini kan exclusive economic zone kan Pilipinas.
Inabisohan man kan opisyal an mga parasirang Pilipino na dae mahandal asin ipadagos sana an pagdadakop nin sira.
Madurar an fishing ban kan China nin nasa apat na bulan o hasta sa Setyembre.
