LEGAZPI CITY-Sinabi kan sarong representantes kan partido na posibleng igwang nangyayaring political agenda sa imbestigasyon kan flood control projects huli sa palitan kan liderato.
Segun kay Act Teacher’s Partylist Representative Antonio Tinio, sa intrevista kan Bombo Radyo Legazpi na kaipuahan tanggapon na igwang political body asin agenda kun sain sa presenteng nagbabangayan an ini asin pinagiiwalan an mga budget na nagreresulta sa pagpalit kan mga lideres.
Alagad, tinawan doon man ni Tinio na huli digdi, namumuklat an publiko kun gano kadakula an nangyayaring kurapsyon, mga modus operandi, asin kun siisay an mga player sa imbestigasyon, na suboot importante para sa mga tawo.
Kinakaipuhan man suboot nin imbestigasyon bako sana sa legislation o magin independent commission na pigpaplanuhan kan presidente, alagad sarong criminal investigation na magreresulta sa pagsangat nin kaso, pag-arestar asin pagpapapakulong sa kun sisay man an mga mapangaranan na imbuelto digdi.
Dagdag pa ni Tinio na an dapat madalian na an criminal investigation huli sa an mga physical evidence an kinakaipuhan na ma-seize siring kan mga pigpapahiling na mga cellphone messages o screenshots.
Kaipuhan suboot ini ngani magsuporta sa mga testimonya na importante ngonian na makuwa sa sarong imbestigasyon ngani magamit sa actual prosecution.
Sinabi pa kan representative na dapat na magkumpirma an mga physical evidence na ipig-presentar, na malinaw suboot na siring kaini na modus na pigsagibo kan mga resource person, kun sain an mga contractors an nakakakuwa nin darakulang proyekto sa DPWH alagad pig-farm out suboot ini sa mga saradit na contractors, na technically an bako qualified, kaya nagigin substandard an mga proyekto.
Dugang pa niya na mantang nagpapadagos an imbestigasyon, an orog nang pigtatawanan sana nin panahon an mga imbuelto digdi na makapaglinig kan mga ebidensiya.
