LEGAZPI CITY—Padagos an pagiromdom kan Bureau of Fisheries and Aquatic Resources sa publiko na likayan an pagpasiring sa mga lugar na bako pamilyar asin kun igwa digding presensya kan jellyfish o dikya.
Segun ki BFAR Bicol Spokesperson Rowena Briones, sa intrevista kan Bombo Radyo Legazpi, na mantang may nagkapirang jellyfish an dae nagkakawsa nin kagadanan an pwedesir man ining magkawsa nin skin irritation o malugad an balat.
Abiso kaini sa mga beachgoers na magsulog nin protective gear asin magin vigilant urog na kun dae pamilyar sa saindang palibot.
Sa presente wara pa man na nairerehistro an ahensya nin nagadan huli sa jellyfish sting puon kan Abril kun sain nagpupuroon na magsiluwasan an mga ini.
Padagos man an koordinasyon kan BFAR Bicol sa mga lokal na gobierno asin iba pang partners para sa information dissemination mapadapit digdi.
Dugang ni Briones na an sightings kan jellyfish an nagdudurar hasta bulan kan Hunyo huli sa mainit man giraray an panahon.
