Tinanggal kan Senado an nasa P97.5 bilyong halaga nin mga proyekto na dai nagsunod sa panuntunan hali sa propuestong 2027 budget kan Department of Public Works and Highways.

Segun ki Senator JV Ejercito, nangyari ini makalihis an pirang semanang pagsusuri sa pondo kan ahensya.

Ipinaliwanag niya na kadaklan kan tinapyas na pondo an inilipat sa mga foreign-assisted flagship projects makalihis matugunan an kaipuhan na counterpart funding.

An natatadang pondo, inilaan man sa mga lokal na imprastraktura tanganing pasiglahon an ekonomiya sa mga probinsya.

Sinaysay kan senador na an mahigot na pagkontrol sa paggastos kasunod kan kontrobersya sa flood control an nagpahaloy sa konstruksyon asin nagkawsa nin maluyang paglago kan ekonomiya.

Huli kaini, ipigdoon niya an pangangaipong balansehon an pananagutan asin transparency, kasabay kan pagpaparikas sa paggastos kan gobyerno tanganing maiangat an economic growth sa 5 hasta 6% sa 2027.