LEGAZPI CITY-Pigpapagiromduman kan mga otoridad an publiko na ibitaran an pag-obstruct sa mga tinampo tuyong Christmas lighting ceremony sa ciudad kan Legazpi.

Segun kay Legazpi Task Force Kaayusan at Kalinisan Head Andy Marbella, sa intrevista kan Bombo Radyo legazpi na mantang bako man masyadong magabat an trapiko, alagad pigpapagirumduman an gabos, orog na an mga may behikulo na dae magparada sa mga pinagbabawal na lugar sa ciudad.

Sa tahaw ini kan nakatalaang pagbubukas sa publiko kan Christmas lighting ceremony ngonian na aldaw sa ciudad.

Pig-iimbitaran man an gabos na makisumaro sa nasabing aktibidad.

Magbabantay man an mga kapulisan asin iba pang otoridad para sa seguridad kan mga makikisumaro digdi.

Liwat na nagpagirumdom an opisyal na makipag-kooperar sa mga direktiba huli ta magigin problema ini asin makakadagdag sa trapiko, orog na kun rush hour.