LEGAZPI CITY – Arestado an Regional Top 5 Most Wanted Person sa Bicol Region sa sarong manhunt operation na ginibo alas 7:45 nin aga kan Nobyembre 14, 2026 sa Sitio Umalag, Barangay Quezon, Bulan, Sorsogon.
Pinangenotan an operasyon kan Sorsogon 2nd Provincial Mobile Force Company katabang an manlaen-laen na yunit kan Philippine National Police (PNP), Criminal Investigation and Detection Group (CIDG), Philippine Army, asin Bulan Municipal Police Station, sa bisa kan Warrant of Arrest na ipinaluwas kan Setyembre 27, 2022.
An arestado iyo an igwang alyas na “Naldo,” 46 anyos, na pigbibistong Regional Top 5 Most Wanted Person sa Bicol Region.
Nahahampang ini sa mga kasong Statutory Rape asin Qualified Rape na igwang kinaaraman sa Republic Act No. 7610, na parehong warang rekomendadong piyansa, siring man duwang bilang nin Acts of Lasciviousness na igwang rekomendadong piyansa na 108,000 pesos kada bilang.
Pigsierto kan PRO5 na padagos an mga manhunt operation tanganing warang akusado na makadulag sa hustisya asin masiguro an kasalbadohan kan lamang Bicolano.
