Pag-oolayan na sa plenaryo kan Kamara an duwang importanteng propuestong ley hale sa Akbayan Representatives para sa mas ligtas asin patas na sosyedad.
Katuyuhan kan Safe Spaces Act Amendments na igwang numero na HB 768 na pakusugon an proteksyon laban sa pang-aabuso sa paagi nin magabat na padusa sa grooming o pananamantala sa tiwala kan mga kaakian.
Kabali man sa HB 768 an mahigot na lakdang tangani labanan an online sexual harassment, orog na an mapanraot na paggamit nin AI asin deepfakes kontra sa mga indibidwal.
Papanimbagon man kan propuestong ini an mga institusyon sa paagi nin mahigot na screening sa mga personnel kan eskwelahan asin pagpadusa sa mga nagwawalang-kibo sa mga reklamo.
Mientrastanto an SOGIESC Equality Bill na igwang numero na HB 765, nakatutok sa pagbabawal nin diskriminasyon base sa sexual orientation, gender identity, gender expression, asin sex characteristics sa trabaho asin eskwelahan.
Pigsisierto man kan propuestong ini an pantay na access sa healthcare asin mga serbisyo publiko para sa gabos, tanganing makua na an minamawot na hustisya asin proteksyon.
