Nangapudan an Department of Energy sa publiko na magtipid sa kuryente ngunyan na tag-init sa tahaw kan halangkaw na konsumo.
Segun sa ahensya na dakula an maitatabang kan simpleng pagsuri kan mga saksakan ngani na makabawasan sa bulanan na gastuson.
Paliwanag ni Dir. Patrick T. Aquino kan DOE-Energy Utilization Management Bureau (EUMB), madalas na dae naririsa an “phantom load” o “vampire power.”
Nangangahulugan ini na alagad dae pigagamit o naka-off an sarong appliance, padagos man liwat ining nagkokunsumo nin kuryente basta naka saksak o naka-standby mode.
Basado sa pagkakarkulo kan ahensya na maabot sa P100 o labi pa an posibleng masayang sa sarong tipikal na harong sa kada bulan huli sana sa mga nakasaksak na gamit na dae man pigagamit.
Ipigsuhestyon man kan opisyal an paggamit nin mga power strip o extension cord na may indibidwal na switch. Sa simpleng pag-off kaini makalihis gamiton, epektibong mapapalsok an daloy kan kuryente sa mga nakakabit na aparato.
Tinawan duon kan DOE na dakula an maitatabang kan simpleng lakdang na ini.
