Nagsangat si Senate Committee on Social Justice, Welfare, and Rural Development Chairperson Sen. Erwin Tulfo nin propuestong ley na magtatao nin dagdag proteksiyon sa mga obrerong posibleng mawaran nin trabaho huli sa paggamit kan artificial intelligence (AI) asin automated systems kan mga kumpanya.
Sa irarom kan Senate Bill No. 2563, muya ni Tulfo na amyendahan an Article 298 kan Labor Code of the Philippines tanganing magtakda nin mga depensa para sa mga empleyadong matatanggal huli sa AI-driven automation.
Segun ki Tulfo, alagad dae maiibitaran an pag-uswag kan teknolohiya, dae dapat ipasa sana sa mga obrero an epekto kaini, orog na kun nakasalalay sa saindang trabaho an kabuhayan kan saindang pamilya.
Sa irarom kan propuesto, pwedesir sanang tanggalon o tanggalan nin trabaho an sarong empleyado huli sa pagpapatupad ng AI kun mapatutunayang tunay asin isinagibo nin igwang nang marahay na hangarin an paggamit kan nasambitang teknolohiya.
Kaipuhan man na igwang lehitimong rason an kumpanya, arog kan pagtitipid sa gastos o pagpapahusay kan kahusayan sa operasyon, asin wara nang ibang opsiyon maliban sa paggamit nin AI na magreresulta sa pagkawara nin trabaho kan empleyado.
Itinatakda man kan propuesto an paggamit nin patas asin makatwirang pamantayan sa pagpili nin mga empleyadong matatanggal.
Afuera digdi, inaatasan an mga employer na magtao nin makatarungang separation pay, pagkakataon para sa reskilling o liwat na pagsasanay, asin posibilidad na mailipat sa ibang trabaho an mga apektadong empleyado.
Kaipuhan man na magkaigwa nin pangenot na abiso asin konsultasyon antes ipatupad an pagtanggal sa mga obrero.
Tinawan-doon ni Tulfo na dapat munang magsikap an mga kumpanya na mamantenir an trabaho kan saindang mga empleyado sa ibong kan paggamit nin AI, huli ta bako sanang karera kundi pati kabuhayan kan mga pamilya an nakasalalay sa pagpapatupad kaini.
