Pinagtibay kan Supreme Court (SC) an constitutionality kan Republic Act No. 12326 na nagpapalawig sa termino kan mga opisyal kan barangay asin Sangguniang Kabataan (SK) sa limang taon.
Sa irarom kan ley na pinirmahan ni Presidente Ferdinand Marcos Jr. kan Setyembre, nakatakda sa Nobyembre 2028 ang masunod na Barangay and Sangguniang Kabataan Elections (BSKE).
Sa 33-pahinang desisyon, ibinasura kan Korte Suprema ang petisyon ni election lawyer Romulo Macalintal na kumukuwestiyon sa pagiging konstitusyonal kan ley.
Susog sa SC, pangenot na obheto kan ley na magtakda nin limang taong termino kan mga opisyal kan barangay asin SK, asin bako sana ipag-octaba an eleksyon.
Tinawan-doon man kan korte na may poder an Kongreso na magtakda asin magbago nin termino kan mga opisyal kan barangay, basta’t makatwiran an panahong inilaan para sa transisyon.
Makatwiran man an Nobyembre 2028 bilang petsa kan masunod na BSKE huli naelihir an mga presenteng opisyal kan Oktubre 30, 2023.
Ipinaliwanag man kan SC na dae tinawan nin panibagong termino an mga presenteng opisyal. Magtitinir sana sinda sa pwesto sa irarom kan holdover capacity hanggang maelihir an saindang mga kahalili.
Mientrastanto, ikinaogma kan Comelec ang desisyon huli sa dagos nang nilinaw an mga agam-agam mapadapit sa legalidad kan pagpapalawig nin termiono kan mga opisyal kan Barangay asin SK.
An desisyon an isinurat ni dating Associate Justice Rodil V. Zalameda asin ipinahayag kan Oktubre 14, 2026.
