LEGAZPI CITY-Napatunayang guilty an aktor na si Russel Brand huli sa kasong rape asin sexual assault.
Makalihis an apat na semanang pagdangog sa Southwark Crown Court sa London, ipinaluwas na an hatol sa aktor na nahahampang sa kasong rape asin three counts nin sexual assault.
Tulos na kinustodiya an aktor makalihis basahon an verdict asin dae pa ini pigtugutan na mag-piyansa.
Sa aldaw nin Lunes maipapaluwas an hatol laban sa 51-anyos na aktor.
Nagpoon an kaso makalihis na ireklamo an aktor kan 21-anyos na fan kaini na minolestiya suboot kan taong 2009 kan sinda maghilingan sa sarong show kaini sa London.
Nagluwas man sa hatol kan korte na guilty an aktor huli sa panghihipo sa sarong MTV workers sa London kan taong 2004, siring man an harrassment kaini sa sarong babayi sa saiyang trabaho kan 2005 asin sexual assault sa saro pang babayi kan taong 2009.
Sinabi ni judge Joel Bennathan na an hatol, an napaghandaan nin marhay para sa nasabing aktor.
