Nakatalaan na magbisita sa nacion an Hollywood icon na si Angelina Jolie bilang saro sa mga tagapagtaram sa gaganapon na 2026 ASEAN Inclusive Growth Summit sa Nobyembre 11 sa Manila.
Organisado ini kan Mastercard Center for Inclusive Growth, na magdadara nin mga lider hale sa negosyo, gobyerno, asin civil society tanganing pag-orolayan an mas inklusibo asin matatag na futuro kan Timog-Silangang Asya.
Bistado si Jolie sa saiyang pangkawanggawang adbokasiya, lalo na an kampanya para sa proteksyon kan kababaihan asin kaakian, kaiba an adbokasiya para sa mga bakwit o refugees.
Poon 2001 hasta 2012, nagsirbi siya bilang Goodwill Ambassador kan United Nations High Commissioner for Refugees (UNHCR) antes siya itinalaga bilang Special Envoy, sarong papel na kinaptan niya hasta 2022.
Sa summit, makakaibahan ni Jolie an Cambodian filmmaker na si Rithy Panh sa session na may titulong “From Memory to Possibility: Cambodia, Courage and the Power of Staying.”
Makakaibahan man niya bilang mga tagapagtaram sina Tony Award-winning theater actress Lea Salonga, Kylie Verzosa, Rajo Laurel, asin si Department of Trade and Industry Secretary Cristina Roque.
