Beinte uno sa 24 na testigo na mawot ihampang kan kampo ni Vice President Sara Duterte sa impeachment trial an napagsirbihan na nin subpoena bilang preparassyon sa pagpapadagos kan mga pagdangog sa Nobyembre 9 hasta 13.
Kinumpirmar ini ni Senate Secretary asin Impeachment Clerk of Court Renato Bantug Jr., na nagsabi na an natatadang tulong subpoena ipapasampa man sa Lunes, Nobyembre 9.
Piglalaoman na magpuon sa nasabing aldaw an presentasyon kan depensa, kun sain mahampang an mga testigo para sa direktang paghapot kan kampo ni Duterte, cross-examination kan prosecution, asin paghapot kan mga senator-judge.
Maruromdoman na 24 na testigo an natatada sa listahan kan depensa makalihis mag-atras si Dean Ralph Sarmiento, na enot man na kabali sa mga mawot nindang ipaapod.
An pagsirbi kan subpoena parte kan preparasyon sa pagdangog tanganing masiguro an paghampang kan mga testigo na kinakaipuhan na magdalo sa impeachment court.
