LEGAZPI CITY – Piglalaoman kan mga driver an big-time rollback sa Nobyembre 10 na P14 sa gasolina, P5 sa diesel, asin P5 sa kerosene, na makakatabang suboot maski papano sa saindang ganansya, alagad dai sinda nagtutubod na maghahaloy ini huli ta ini suboot panandalian sana.
Segun ki Condor Piston Bicol President Ramon Rescovilla, sa intrevista kan Bombo Radyo Legazpi, wara suboot nin garantiya na magpapadagos an pagbaba, huli ta padagos an tensyon sa Middle East, an isyu kan Estados Unidos asin Israel, asin dai pa nabubuksan an Strait of Hormuz na iyo an pangenot na rason kan paglangkaw kan presyo.
Sa ngonian, nasa P97.60 an diesel asin P90 an gasolina, kaya pirit na nagtitios an mga driver na minsan nagtatrabaho na nin lagpas 8 oras, nag-aabot pa nin 12 oras asin 12 rounds, sa tahaw nin matinding init na nagdudulot pa nin kalintura.
Huli digdi, an solusyon na pigpupunto ni Rescovilla bako na an kada semanang rollback, kundi an pagbasura sa Oil Deregulation Law tanganing makontrol na suboot kan gobyerno an presyo kan petrolyo.
Nag-apela man si Rescovilla sa mga kapwa driver na dai magpadalos-dalos, magpahingalo kun sobrang init, asin padagos na magbantay sa mga mangyayari sa presyo kan petrolyo.
