LEGAZPI CITY—Nakatalaang magkundusir nin dakulang paghiro an transport group na Condor Piston Bicol katakod kan nagpapadagos na paglangkaw nin presyo kan petrolyo.
Segun ki Condor Piston Bicol President Ramon Rescovilla, sa intrevista kan Bombo Radyo Legazpi, sa ngunyan dae pa ninda masasabi kun nuarin ini isasagibo alagad mapaluwas man sinda nin abiso mapadapit sa iskedyul kaini.
Posible man suboot na magkaigwa nin tigil-pasada durante kan aktibidad.
Dugang kan opisyal na kabale man sa saindang ipapangapudan an petisyon na dugang na P2 na pamasahe nganing padagos na makapagsirbi an mga tsuper sa namamanwaan.
Mientras tanto, pangapudan kan opisyal sa namamanwaan na napapanahon na nganing magkasararo asin ipaglaban an mga direchos urog na pa-abot sa kabuhayan nganing makua an makatarungang kahagadan kan manlaen-laeng sektor.
