Nasa poco mas o menos 10 European flights an naantala makalihis suboot na targeton nin bomb threats kan Martes, Nobyembre 3.
Nabulabog an nagkapirang espuerto sa Europe kun sain napiritan na paramientras na ipasarado an sarong espuerto sa Warsaw, Poland.
An Irish-owned asin budget carrier na Ryanair an labing naapektaran kan nasabing huma kun sain apat na flights kaini na pasiring sa manlain lain na destinasyon an tinarget nin bomb threats.
Segun sa Metropolitan Police kan London sa United Kingdom, nairehistro anm ga huma sa mga flights na nakatalaan na mag-take off asin mag-landing sa Heathrow Airport, na saro sa pinaka-busy na erpuerto sa Europe.
Katakod kaini, ipinalakop an air forces Italy para i-escort an saro pang flight kan nasabing carrier hali sa Dublin asin nakatalaan na mag-landing sa Rome-Fiumicino Airport.
Igwang man na duwang report na nairehistro sa duwang eroplano na pasiring sa Warsaw, Poland, kaibanan an sarong Scandinavian Airlines (SAS) flight hali sa Copenhagen asin saro pang flight hali sa Heathrow na pigpapadalagan kan Polish airline na LOT.
Alagad nairehistro an serye kan huma, wara man na nadiskubreng explosives sa mga nasabing airports asin eroplano makalihis magkasa nin mahewasan na ground search an mga imbwelto na otoridad.
