Nagsakat sa panibagong career-high Rank No. 17 si Philippine tennis pride Alex Eala sa Women’s Tennis Association antes ang kampanya kaini sa WTA 250 Hong Kong Open.
Basado sa official rankings kan Lunes, Nobyembre 2, nagsakat si Eala hali sa No. 19 pasiring No. 17 na igwang 2,289 points, asin nalagpasan an dating best niya na No. 18 makalihis mag-quarterfinal finish sa 500 Tokyo Open.
Makakahampang niya ngonian na aldaw si World No. 59 Alycia Parks sa pagpuon kan saiyang kampanya sa Hong Kong.
Naabot ni Eala dati an No. 18 kan Agosto 24 kasunod kan Cincinnati Open, alagad buminaba sa No. 20 kan Oktubre 19 huli sa upset losses sa Singapore asin Wuhan, antes makabawi sa Tokyo Open.
Marikas man na nakabawi sa saiyang porma an left-handed star sa Tokyo Open tanganing mairehistro an sarong breakthrough appearance ngonian na Asian Swing.
