Nagpoon nang magbalik sa Metro Manila an rinibong mga biyahero na nagselebrar nin Undas sa saindang mga probinsya.
Segun sa pinakahuring ulat kan National Capital Region Police Office (NCRPO), nag-abot na sa sobra 3,000 an bilang kan mga pasahero sa mga terminal nin bus sa Metro Manila.
Inaandam man na mas madadagdagan pa an bilang kaini sa mga masunod na oras asin aldaw.
Segun ki Emelito Dua, Terminal Master, dakul na an mga pasaherong nagbabalik sa Kamaynilaan asin halos puno na an mga bus na nag-aagi sa iba’t ibang ruta, arog kan Batangas, Pangasinan asin iba pang mga probinsya.
Iyo man an naging pahayag ni Bryan Amorato, Terminal Manager.
Aniya, posible pang magpadagos hasta sa aga asin sa mga masunod na aldaw an pagdagsa kan mga pasahero bilang resulta kan pagtatapos kan selebrasyon nin Undas.
Dugang pa ni Amorato, kabaliktaran man kaini an sitwasyon kan mga pasaherong nagbibiyahe hali Metro Manila pasiring sa saindang mga probinsya.
Mientrastanto, nakaolay man kan Bombo Radyo an nagkapirang mga biyahero, kaiba si Liza Riva na pabalik sa Batangas.
Segun sa saiya, nagin mataoninong asin marahay an pagselebrar nin Undas sa Metro Manila huli suboot sa diit na bilang kan mga tawo asin sa marahay na mga patakaran asin regulasyon sa mga sementeryo.
Poon sa aga, Nobyembre 3, magbabalik na sa regular na operasyon an mga pangenot na sementeryo sa nacion.
