LEGAZPI CITY-Nakapagrehistro nin mga pagbabaha sa nagkapirang pangenot na lugar sa Metro Manila.
Sa Quezon City, bahagyang binaha an E. Road Araneta intersection asin EDSA Oliveros northbound, na uminabot sa “gutter deep” alagad nagtetenir na maagihan kan gabos na mga behikulo.
Mientras tanto sa Makati City, nakapagrehistro man nin pagbabaha sa Estrella southbound, na igwang parehong lebel kan tubig asin passable man liwat para sa mga motorista.
Segun sa MMDA, an mga pagbabaha, kawsa kan padagos asin makukusog na uran dara kan hanging habagat asin epektokan mga nakaaging bagyo.
Pinapayuhan an mga motorista na mag-ingat sa pag-agi sa mga nabanggit na lugar asin likayan an marikas na pagmamaneho ngani maibitaran an aksidente.
Padagos man na nakabantay an mga lokal na gobierno asin traffic management offices ngani masierto an kaligtasan kan publiko.
