LEGAZPI CITY-Arestado an 13 indibidwal sa joint anti-POGO operation kan Philippine National Police (PNP) asin Presidential Anti-Organized Crime Commission (PAOCC) sa Iligan City kan Oktubre 29, 2026.
Nasamsam digdi an mga gaming equipment na nagkakantidad nin pigkakarkulong P12 Milyon.
Isinagibo an operasyon sa sarong kumpanyang nagpapanggap suboot na Information Technology Service Provider alagad imbuelto sa ilegal na offshore gaming activities sa Barangay Hinapolan, Iligan City.
Kaiba sa mga naaresto an duwang manager asin 11 online dealer.
Nakumpiskar man an mga computer, monitor, camera, tablet, gaming table asin iba pang kagamitang piggagamit sa operasyon.
Nasa kustodiya na kan Police Station 1 kan Iligan City Police Office an mga suspek para sa kaukulang dokumentasyon asin legal na proseso.
Mientras tanto, pighahanap pa an rehistradong may-ari kan nasabing kumpanya.
Isinagibo an operasyon sa koordinasyon kan manlaen-laen yunit kan PNP, National Bureau of Investigation (NBI)-Iligan asin PAOCC bilang parte kan pinahigot na kampanya kan gobierno laban sa ilegal na POGO asin online gambling operations.
