LEGAZPI CITY-Kaiba sa mga haralangkaw an presyo o service fee an pagpapalubong, cremation, o pagbakal nin sarong columbarium niche sa Pilipinas.
Basado sa average na price, nasa P15,000 hasta P20,000 an gastuson sa pagpapa-cremate sa sarong bangkay.
Naka depende pa sa lokasyon kun saen gigibohon an nasabing proseso huli ta kadalasang dakula man an pagkakaiba kan kantidad kaini sa probinsiya kumpara sa Metro Manila asin sa mas darakulang ciudad sa nacion.
Maabot man sa P80,000 hasta P245,000 an presyo kan sarong columbarium niche, depende man sa lokasyon.
Kadalasan man na mas halangkaw an itinataang presyo sa mga niche, na eye-level an puwesto.
An sarong niche, karaniwang posibleng laagan nin hasta sa apat na cremated remains o apat na mga labi.
Sa ibong kaini, pigkakarkulong maabot sa P80,000 hasta P500,000 an gastos sa traditional burial o full-body burial.
Kadalasan man na mas mahal an cemetery lots o lupa sa mga sementeryo sa Metro Manila huli ta limitado an available na espasyo, kumparar sa mga sementeryong nasa probinsiya.
