Naglunsar na nin hotlines an Philippine National Police (PNP) tanganing maparikas an paghanap ki Senator Ronald “Bato” Dela Rosa.
Segun ki PNP Public Information Office Chief Col. Allen Rae Co, pwedesir na gamiton kan publiko an mga hotline na ini para magtao nin anuman na impormasyon na pwedeng makatabang sa pagdakop sa senador.
Sinabi niya na padagos an pagbukod kan PNP ki Dela Rosa, alagad mas marhay suboot kun boluntaryong magsuko ini tanganing maibitaran an anuman na madugong komprontasyon.
Pinatanidan man ni Co an publiko laban sa paggibo nin mga prank call, na nagsasabi na an sisay man na magamit kan hotline para sa siring na mga katuyuhan mahahampang sa legal na mga kaso.
Dugang pa kan opisyal na igwa nin supisyenteng pwersa para sa operasyon.
Huring nahiling sa publiko si Dela Rosa kan Mayo.
Sa Nobyembre, magsasarong taon na poon kan magluwas nin mandamiento de aresto an International Criminal Court laban saiya huli sa kasong crimes against humanity katakod kan war on drugs sa irarom ni dating Presidente Rodrigo Duterte, kun sain si Dela Rosa nagsirbe komo PNP Chief.
