Uminabot na sa Mactan Expo sa ciudad kan Lapu-Lapu, Cebu an manlain lain na defense secretaries asin ministers hali sa Association of Southeast Asian Nations (ASEAN) para sa pagbubukas kan ika-20 ASEAN Defense Ministers’ Meeting (ADMM) 2026.
Sa impormasyon hali sa Bombo Radyo Cebu, personal na sinabat ni Department of National Defense (DND) Secretary Gilberto “Gibo” Teodoro Jr. si ASEAN Secretary-General H.E. Dr. Kao Kim Hourn kaibanan an mga delegado hali sa mga miyembrong nacion.
Tampok sa mga pangenot na kaganapan an mga diskusyon sa pagultangan kan 11 nacion na miyembro kan samahan, siring man an ADMM-Plus meetings kaibanan an mga partner nations siring kan Japan, United States, Australia, India, New Zealand, asin Russia.
Kinuimpirmar man kan China na an saindang Defense Attaché sana an maatendir sa ADMM-Plus sa aga, Oktubre 29, na pigkokunsiderar kan nagkapira bilang pinakahibabang antas kan saindang pakikipartisipar puon kan 2010.
Mientras tanto, pinaglalaoman an pag-abot ngunyanna hapon sa Cebu ni US Defense Secretary Pete Hegseth ngani na pormal na magpartisipar sa mga nakatalaan na pulong.
Pangenot na tutukaron sa duwang aldaw na pagtirippm an pagpapakusog kan seguridad asin kooperasyon sa depensa sa Timog-Silangang Asya, urog na an mga pagresolbar sa mga huma sa rehiyon asin pagpapadagos kan orolay sa West Philippine Sea.
