LEGAPZI CITY-Inanunsyo kan Philippine Atmospheric, Geophysical and Astronomical Services Administration (PAGASA) ngonian na aldaw, Oktubre 27, an pagpopoon kan Northeast Monsoon o Hanging Amihan makalihis magkusog an high-pressure area sa Silangang Asya, na nagreresulta nin malipot na parus asin pagbaba kan temperatura sa Hilagang Luzon.
Piglalaomang magdadara an Amihan nin mas malipot na panahon, maliopt na bugso kan parus asin maalon na kadagatan sa mga masunod na bulan.
Posible man na makaapekar sa kondisyon kan panahon an shear line, mga bagyong malaog sa nacion, asin Intertropical Convergence Zone (ITCZ).
Padagos man na babantayan kan weather state bureau an mga pagbabago sa kondisyon kan panahon, orog na sa tahaw kan piglalaomang El Niño phenomenon, na posibleng magkawsa nin diit na volume nin pag-uuran asin suplay nin tubig sa nacion.
