Nangibabaw an Dallas Mavericks kontra Miami Heat, sa score na 113-109, makalihis an dukot na laban sa pangengenot ni Cooper Flagg na nagrehistro nin 29 points 11 rebounds asin 6 assists.
Magayon an nagin pagpupuon kan Miami sa enot na quarter sa hampang kan saindang home crowd, alagad nakabawi an Dallas sa second quarter asin nagtapos an first half sa kalamangan kan Mavericks, 53-52.
Padagos na naging dukot an laban sa third quarter, kung sain bahagyang nangenot an Heat, 84-83.
Sa ibong kaini, dagos na uminarangkada an Dallas sa huring quarter ngani na makuwa an pagkagana.
Naging susi sa pagkagana kan Mavericks an layup ni Flagg sa sampulong segundo na sana an natatada sa 4th quarter game.
Sa ibong na lado, pinangenotan man ni Giannis Antetokounmpo an Heat makalihis makapagrehistro nin 29 points, 15 rebounds asin 11 assists para sa Miami, alagad dae ini naging bastante ngani na pugulan an saindang ika-apat na sunod na pagkadaog.
Sa nasabing pagkagana, uminangat sa 2-2 an Dallas Mavericks, mantang nagtetenir na warang daog an Miami Heat makalihis ana apat na kawat sa pagpupuon kan season.
Masunod na makakahampang kan Dallas an Oklahoma City Thunders sa Oktubre 29.
