Aminado si Senate President Sherwin Gatchalian na magiging ulang sa saindang schedule sa pagtukar kan pambansang pondo an pagkakasabay kan impeachment trial ni Vice President Sara Duterte.
Target kaya kan Senado na ma-ratipika an budget antes matapos an taon.
Sa ibong kaini, sinabi ni Gatchalian na handa sindang magtrabaho maski pa sa panahon kan Pasko, kun kinakaipuhan, siring kan ginibo ninda kan nakalihis na taon.
Katakod man kan impeachment trial na nakatalaan na magpadagos sa Nobyembre 9, plano munang tapuson an pagdangog antes mag-break nin sarong semana para sa plenary.
Kun dae pa tapos an depensa sa paglahad kan mga ebidensya, magpapadagos an trial makalihis an break.
Mientras tanto, nakadepende man sa dalagan kan plenary sessions an schedule kan Bicameral Conference Committee.
Segun ki Gatchalian, magiging angat an pagsabayon an Bicam asin impeachment trial huli ta parehong nangangaipo nin quorum kan mga senador ngani na magpadagos an mga pagdangog asin deliberasyon.
